BAKI, 12 oktyabr. TELEQRAF

İrlandiyalı üzgüçülük üzrə Olimpiya məşqçisi Corc Gibney yetkinlik yaşına çatmayan idmançılara cinsi təcavüz etdiyinə görə 15 il altı ay müddətinə azadlıqdan məhrum edilib.

Teleqraf xəbər verir ki, bu barədə Britaniyanın "The Guardian" qəzeti məlumat yayıb .

İyul ayında 78 yaşlı Gibney 39 nalayiq hücum və bir təcavüz cəhdində günahkar bilinib. Cinayətlər 1970-ci və 1980-ci illərdə dörd yetkinlik yaşına çatmayan qıza qarşı törədilib.

Gibney 1984 və 1988-ci illərdə keçirilən Olimpiya Oyunlarında İrlandiya milli komandasını məşq etdirib. 1990-cı illərdə o, uşaqlara qarşı cinsi istismarla bağlı 27 ittihamla üzləşib, lakin 1993-cü ildə məhkəmə iddia edilən cinayətlərdən bəri keçən uzun müddətə görə onun məhkəmə qarşısına çıxa bilməyəcəyi barədə qərar çıxarıb. Gibney daha sonra ABŞ-yə köçüb. 2020-2022-ci illər arasında zorakılıq zamanı yetkinlik yaşına çatmayan qurbanlar İrlandiya polisinə yeni ifadələr veriblər və bu da yeni ittihamların irəli sürülməsinə və ekstradisiya qərarının verilməsinə səbəb olub.

2025-ci ildə Gibney ABŞ-dan İrlandiyaya ekstradisiya edilib.