TOVUZ, 4 aprel. TELEQRAF

Tovuzda yaşayış binasında baş verən yanğında tüstüdən zəhərlənən şəxslərin kimliyi bilinib.

Teleqraf-ın yerli bürosu xəbər verir ki, tüstüdən zəhərlənən 9 nəfər Tovuz rayon Mərkəzi Xəstəxanasına müraciət edib.

Onlar rayon sakinləri Arzu Səfərov (1987), Uzay Səfərov (2022), Səbinə Mustafayeva (1998), Elmir Əmrəslanov (2024), Zəhra Əmraslanova (2022), Fərman Əmraslanov (1958), Aydan Səfərova (2013), Balaxanım Yusifova (1992) və Firdovsi Həsənovdur.

Qeyd edək ki, yanğın Sinaxanım Həsənovaya məxsus mənzildən başlayıb.

***

13:32

BAKI, 4 aprel. TELEQRAF

Fövqəladə Hallar Nazirliyinin “112” qaynar telefon xəttinə Tovuz şəhəri, Vaqif küçəsində beşmərtəbəli yaşayış binasında yanğın baş verməsi barədə məlumat daxil olub.

Nazirlikdən Teleqraf-a bildirilib ki məlumatla əlaqədar dərhal FHN-in Dövlət Yanğından Mühafizə Xidməti Tovuz rayon Yanğından Mühafizə Hissəsinin qüvvələri əraziyə cəlb edilib.

Yanğınsöndürənlərin çevik müdaxiləsi sayəsində binanın birinci mərtəbəsində yerləşən mənzildə baş vermiş yanğın qısa müddətdə södürülüb.

Yanğın nəticəsində ümumi sahəsi 50 kv.m. olan üçotaqlı mənzilin yanar konstruksiyaları yanıb, qonşu mənzillər yanğından mühafizə olunub.

Yanğın zamanı köməksiz vəziyyətdə qalmış 4 nəfər bina sakini yanğınsöndürənlər tərəfindən xilas olunub, 7 nəfər təhlükəsiz əraziyə təxliyə edilib, xəsarət almış 1 nəfər isə təcili tibbi yardım briqadasına təhvil verilib.

***

13:26

TOVUZ, 4 aprel. TELEQRAF

Tovuz rayonunda beşmərtəbəli yaşayış binasında baş verən yanğınla bağlı yeni detallar üzə çıxıb.

Teleqraf-ın yerli bürosunun məlumatına görə, yanğın hadisəsi Sinəxanım Həsənovaya məxsus mənzildəndən başlayıb.

İlkin ehtimallara görə, yanğını Sinəxanım Həsənovun oğlu Firdovsi Həsənovun qəsdən törətdiyi məlum olub.

Məlumata görə, F. Həsənov ailəsinin dağılmasından sonra depressiyaya düşüb və hadisə baş verən zaman spirtli içkinin təsiri altında olub.

O, intihar məqsədilə yaşadığı mənzili yandırmağa cəhd edib. Nəticədə ev tamamilə yanıb, özü isə müxtəlif dərəcəli yanıq xəsarətləri alıb. Bundan əlavə, tüstüdən zəhərlənən bir neçə bina sakini Tovuz Rayon Mərkəzi Xəstəxanasına yerləşdirilib.

Faktla bağlı araşdırma aparılır.

***

12:35

TOVUZ, 4 aprel. TELEQRAF

Tovuz rayonunda beş mərtəbəli yaşayış binasında yanğın olub.

Teleqraf-ın yerli bürosu xəbər verir ki, yanğın binanın birinci mərtəbəsindən başlayıb.

Əraziyə Fövqaladə Hallar Nazirliyinin (FHN) Tovuz Yanğından Mühafizə İdarəsinin canlı qüvvəsi və texnikası cəlb olunub.

Sakinlər binadan çıxarılıb. Tüstüdən zəhərlənən bir neçə insan xəstəxanaya aparılıb.

Yağının söndürülməsi istiqamətində işlər aparılır.