BAKI, 3 aprel. TELEQRAF

Maliyyə naziri Sahil Babayevin əmri ilə nazirliyin iki yüksək vəzifəli şəxsi işdən azad edilib.

Nazirliyin mətbuat xidmətinin rəhbəri Mais Piriyev Teleqraf-a açıqlamasında bildirib ki, Maliyyə Nazirliyinin Dövlət Maliyyə Nəzarəti Xidmətinin rəisi Elman Piriyev və nazirlik yanında Dövlət Xəzinədarlıq Agentliyinin 1 saylı Xəzinədarlıq İdarəsinin rəisi Nadir Qarayevin dövlət qulluğuna öz arzuları ilə xitam verilib.

Eyni zamanda, qurumun Aparatının strukturunda və ştat vahidlərinin struktur bölmələri üzrə bölgüsündə təkmilləşdirmələr aparılıb.

Qeyd edək ki, bu barədə xəbəri ilk "Bakupost.az" saytı yayıb.