BAKI, 4 aprel. TELEQRAF
Zəngəzur dəhlizinin açılması Avropa İttifaqı (Aİ) üçün önəmlidir.
Teleqraf xəbər verir ki, bunu erməni politoloq Armen Baqdasaryan deyib.
“ABŞ-nin yeni administrasiyasının (Donald Tramp) yürütdüyü xarici siyasət Cənubi Qafqazın rolunu artırıb. Xüsusən də Orta dəhliz baxımından… Cənubi Qafqaz və Mərkəzi Asiya vasitəsilə Rusiyadan yan keçən enerji daşıyıcıları Qərbə çatmalıdır.
Avropa İttifaqının Ermənistanla Azərbaycan arasında münasibətlərin normallaşmasına ehtiyacı var. Bu nizamlanmanın sırf Azərbaycanın, yoxsa Ermənistanın ideyaları əsasında qurulmasının Aİ üçün heç bir əhəmiyyəti yoxdur. Onlar üçün, açıq desək, Sünikdən (Qərbi Zəngəzur) keçən dəhlizə ermənilər və ya azərbaycanlıların nəzarət etməsinin fərqi yoxdur. Aİ üçün bu yolun işləməsi, Rusiya və İranın nəzarətindən kənarda olması vacibdir. Bu, əsas şərtdir”, - ekspert bildirib.
Baqdasaryan əlavə edib ki, Avropada Rusiyanı təkcə hərbi yox, həm də iqtisadi və enerji təhlükəsi hesab edirlər:
“Bu baxımdan, alternativlərdən biri, bəlkə də əsası Rusiyadan yan keçməklə Cənubi Qafqazdan logistika marşrutlarının açılmasıdır”.
