BAKI, 12 avqust. TELEQRAF

“Sabah” klubu Avrokuboklarda ikinci stadion kimi Tofiq Bəhramov adına Respublika stadionunu qeyd edib.

Bu barədə Teleqraf-ın sorğusuna cavab olaraq klubun mətbuat xidmətindən məlumat verilib.

Bildirilib ki, məsələ ilə bağlı yaxın günlərdə daha ətraflı və dəqiq məlumat veriləcək.

***

13:23

UEFA Azərbaycan çempionu "Sabah" və İsrail təmsilçisi "Hapoel" (Beer-Şeva) arasında Çempionlar Liqasının pley-off mərhələsinin oyunlarının başlama vaxtını və məkanını açıqlayıb.

Teleqraf qitə futbol qurumunun rəsmi saytına istinadən xəbər verir ki, ilk görüş avqustun 19-da Rumıniyanın paytaxtı Buxarestdəki "Culeşti" stadionunda keçiriləcək.

Matç Bakı vaxtı ilə saat 23:00-da başlayacaq.

Tərəflər arasında cavab qarşılaşması isə avqustun 25-də, saat 20:45-də Tofiq Bəhramov adına Respublika stadionunda baş tutacaq.