MİNGƏÇEVİR, 8 avqust. TELEQRAF

Mingəçevirdə keçirilən “Kürü keçək?! 5” açıq suda üzmə yarışında 1000 metr məsafə üzrə mübarizəyə start verilib.

Teleqraf xəbər verir ki, Kür çayında təşkil olunan yarışın bu məsafəsində 111 iştirakçı qüvvəsini sınayır.

Gənclər və İdman Nazirliyi, Azərbaycan Üzgüçülük Federasiyası və Bakı Şəhər Halqası Əməliyyat Şirkətinin birgə təşkilatçılığı ilə keçirilən yarışda kişilər və qadınlar 6 yaş kateqoriyası üzrə mübarizə aparırlar.

Qeyd edək ki, “Kürü keçək?! 5” bu il ilk dəfə iki məsafə üzrə keçirilir. Ümumilikdə 616 nəfərin qatıldığı yarışda 505 iştirakçı 350 metr məsafədə üzəcək. Yarışın ən gənc iştirakçısı 12, ən yaşlısı isə 79 yaşındadır.

***

13:32

Mingəçevirdə Gənclər və İdman Nazirliyi, Azərbaycan Üzgüçülük Federasiyası və Bakı Şəhər Halqası Əməliyyat Şirkətinin birgə təşkilatçılığı ilə Kür çayında “Kürü keçək?! 5” açıq suda üzmə yarışına start verilib.

Teleqraf xəbər verir ki, sağlam həyat tərzinin və su idman növlərinin təbliği məqsədilə keçirilən yarış bu il rekord sayda iştirakçını bir araya gətirib.

İlk olaraq 350 metr məsafəyə üzmə yarışına start verilib.

Ümumilikdə 616 nəfərin qatıldığı yarışda ən gənc iştirakçının 12, ən yaşlının isə 79 yaşı var.

Bu il ilk dəfə yarış iki məsafə üzrə təşkil olunur. 111 iştirakçı 1000 metr, 505 iştirakçı isə 350 metr məsafədə mübarizə aparacaq.

Kişilər və qadınlar arasında 6 yaş kateqoriyası üzrə keçirilən yarışda hər kateqoriyada ilk üç yeri tutan iştirakçılar mükafatlandırılacaq.