BAKI, 7 fevral. TELEQRAF

Qış Olimpiya Oyunlarının açılış mərasimində ABŞ-dən olan idmançıların nümayəndə heyəti tamaşaçılar tərəfindən fitlə qarşılanıb.

Teleqraf xəbər verir ki, bu barədə TASS məlumat yayıb.

Məlumata görə, ABŞ idmançılarının keçidi zamanı stadionun ekranlarında ölkənin vitse-prezidenti Cey Di Vensin görüntüsü göstərilib və azarkeşlər narazılıqlarını ifadə ediblər.

Daha əvvəl isə tamaşaçılar İsrail idmançılarının nümayəndə heyətini də narazılıqla qarşılamışdılar.

Qış Olimpiya Oyunları 22 fevral tarixində başa çatacaq.