MİNGƏÇEVİR, 21 oktyabr. TELEQRAF

Mingəçevirdə piyadanın ölümü ilə nəticələnən yol-nəqliyyat hadisəsi baş verib.

Teleqraf-ın Mərkəzi Aran bürosu xəbər verir ki, hadisə bu gün axşam saatlarında şəhərin Təbriz küçəsində baş verib.

Avtomobil yolu keçən iki qadını vurub.

1956-cı il təvəllüdlü Zöhrə Vahid qızı İsmayılova müxtəlif dərəcəli xəsarətlərlə xəstəxanaya çatdırılıb. 1968-ci il təvəllüdlü Firəngiz Əhmədovanın isə həyatını xilas etmək mümkün olmayıb.

Faktla bağlı araşdırma başlanıb.