BAKI, 1 mart. TELEQRAF

Sumqayıt şəhəri, S.Vurğun küçəsində avtobusda yanğın olub.

FHN-dən Teleqraf-a verilən məlumata görə, nazirliyin Dövlət Yanğından Mühafizə Xidmətinin Sumqayıt şəhər Yanğından Mühafizə İdarəsinin qüvvələri əraziyə cəlb olunub.

Yanğınsöndürənlərin çevik müdaxiləsi sayəsində vətəndaşa məxsus “Mitsubishi” markalı avtobusun mühərrik hissəsində baş vermiş yanğın yayılmasına imkan verilmədən qısa müddətdə söndürülüb.

Yanğın nəticəsində avtobusun mühərriki və salon hissəsi qismən yanıb.

Avtobusun digər hissələri yanğından mühafizə olunub.