BAKI, 9 oktyabr. TELEQRAF

Azərbaycan Premyer Liqasının VII turuna start verilib.

Teleqraf xəbər verir ki, turun açılış matçında “Araz-Naxçıvan” “Kəpəz”i qəbul edib.

Şamaxı şəhər stadionunda keçirilən görüş Gəncə təmsilçisinin 2:0 hesablı qələbəsi ilə yekunlaşıb.

Rəşad Əhmədovun idarə etdiyi qarşılaşmada “Kəpəz”in qollarını 31-ci dəqiqədə Benito, 86-cı dəqiqədə isə Rəhman Hacıyev vurub.

Qeyd edək ki, günün növbəti matçında “Neftçi” “Sabah”ı qəbul edəcək. “Palms Sports Arena”da keçiriləcək görüş saat 19:30-da başlayacaq.