BAKI, 28 may. TELEQRAF

“Monako”nun 2026/27 mövsümündə yeni baş məşqçisi müəyyənləşib.

Teleqraf xəbər verir ki, bu barədə insayder Fabritsio Romano məlumat yayıb.

Fransa təmsilçisi bu ilin martında “Flamenqo”dan ayrılan Filip Luislə razılığa gəlib. Braziliyalı mütəxəssislə müqavilə 2028-ci ilin yayına qədər nəzərdə tutulub.

“Atletiko” və Braziliya millisindəki çıxışı ilə tanınan 40 yaşlı sabiq futbolçu 2024-cü ildən “Flamenqo”nu çalışdırırdı və komanda ilə 5 titul qazanıb. Xatırladaq ki, Qitələrarası Kubokun finalında Rio-de-Janeyro təmsilçisi PSJ-yə penaltilər seriyasında uduzub — 1:1 (1:2). Paris klubunun rusiyalı qapıçısı Matvey Safonov dörd penalti zərbəsini dəf edib.

Qeyd edək ki, “Monako” cari mövsüm Sebastyen Pokonyolinin rəhbərliyi altında Fransa çempionatını 7-ci pillədə başa vurub.