BAKI, 14 may. TELEQRAF
PSJ Fransa çempionatının qalibi olub.
Teleqraf xəbər verir ki, Paris təmsilçisi səfərdə “Lans”ı 2:0 hesabı ilə məğlub edərək mövsümün başa çatmasına bir tur qalmış çempionluğu rəsmiləşdirib.
Oyunda qolları 19-cu dəqiqədə Xviça Kvaratsxeliya və 90+4-cü dəqiqədə İbrahim Mbaye vurublar.
PSJ ardıcıl 5-ci, ümumilikdə isə 14-cü dəfə Fransa çempionu olub.
Qeyd edək ki, PSJ cari mövsümdə UEFA Çempionlar Liqasının da qalibi olmaq uğrunda mübarizəni davam etdirir. Paris təmsilçisi mayın 30-da Budapeştdə keçiriləcək finalda İngiltərənin “Arsenal” klubu ilə qarşılaşacaq.
