BAKI, 10 may. TELEQRAF
Azərbaycan Premyer Liqasının XXXI turunda “Turan Tovuz” doğma meydanda “Karvan-Yevlax”la qarşılaşıb.
Teleqraf xəbər verir ki, Tovuz şəhər stadionunda görüş meydan sahiblərinin minimalhesablı qələbəsi ilə yekunlaşıb - 1:0.
Baş hakim Əkbər Əhmədovun idarə etdiyi qarşılaşmada tovuzluların yeganə qolunu 45+1-ci dəqiqədə Ayxan Hüseynov vurub.
Beləliklə, bu qələbə ilə Tovuz təmsilçisi Premyer Liqada 3-cü pilləni və avrokuboklara vəsiqəni təmin edib.
Hazırda 14 xalı olan Fizuli Məmmədovun rəhbərlik etdiyi “Karvan-Yevlax” isə növbəti mövsüm Birinci Liqada çıxış edəcək.
