BAKI, 26 aprel. TELEQRAF
Azərbaycan Premyer Liqasının XXIX turunda "Neftçi" "Qarabağ"ı qəbul edib.
Teleqraf xəbər verir ki, derbidə sevinən Ağdam təmsilçisi olub - 5:1.
Matçın 9-cu dəqiqəsində hesabı qonaqların futbolçusu Musa Qurbanlı açıb. 21-ci dəqiqədə Elvin Bədəlov hesabı bərabərləşdirsə də, 32-ci dəqiqədə Musa Qurbanlı yenidən komandasını önə çıxarıb.
Qonaqların digər qollarını Joni Montiel, Leandro Andrade və Emmanuel Addai vurub.
Belədə, qonaqlar turnir cədvəlində 59 xalla 2-ci pillədəki mövqeyini möhkəmləndirib. "Ağ-qaralar" isə 44 xalla 5-ci pillədə qərarlaşıb.
