BAKI, 15 dekabr. TELEQRAF

Azərbaycan Premyer Liqasının XV turunda "İmişli" və "Karvan-Yevlax" komandaları üz-üzə gəlib.

Teleqraf xəbər verir ki, Quba Olimpiya İdman Kompleksinin stadionunda keçirilən qarşılaşma 1:1 hesablı heç-heçə ilə yekunlaşıb.

Baş hakim Kamranbəy Rəhimovun idarə etdiyi görüşdə hesabı 29-cu dəqiqədə meydan sahiblərinin futbolçusu Dieqo Almeyda açıb. Matçın 39-cu dəqiqəsində isə Vadim Abdullayev fərqlənərək tarazlığı bərpa edib.

Bu nəticədən sonra Jorj Kaşkilyanın rəhbərlik etdiyi komanda 16 xalla turnir cədvəlinin 9-cu pilləsində yer alıb. Fizuli Məmmədovun kollektivi isə 6 xalla sonuncu pillədə qərarlaşıb.

Qeyd edək ki, turun son matçında "Neftçi" "Sumqayıt"la üz-üzə gələcək. "Palms Sport Arena"da keçiriləcək qarşılaşma saat 19:00-da başlayacaq.