BAKI, 16 sentyabr. TELEQRAF

Madrid “Real”ı İspaniya çempionatının VI turunda səfərdə “Elçe”ni 3:2 hesabı ilə məğlub edib.

Teleqraf xəbər verir ki, qarşılaşmanın taleyini kompensasiya vaxtında vurulan qol həll edib.

15-ci dəqiqədə “Elçe”nin futbolçusu Matias Dituro avtoqol müəllifi olub. “Real”ın digər qollarını Kilian Mbappe (40) və Karlos Espi (90+1) vurublar. Meydan sahiblərinin heyətində isə Abiel Osorio (71) və Fer Nino (83) fərqləniblər.

Bu qələbədən sonra “Real” xallarının sayını 15-ə çatdıraraq “Barselona”ya çatıb və turnir cədvəlində ikinci pillədə qərarlaşıb. “Elçe” isə 2 xalla sonuncu – 20-ci yerdədir.

Növbəti turda “Real” sentyabrın 20-də “Atletiko”nun qonağı olacaq. “Elçe” isə sentyabrın 18-də səfərdə “Espanyol”la qarşılaşacaq.