Ermənistan Prezidenti Vaaqn Xaçaturyan ölkəsinin Aİ-yə üzvlüyünün başlanması haqqında qanunu imzalayıb.
Teleqraf xəbər verir ki, bu barədə Prezidentin mətbuat xidməti məlumat yayıb.
“Aprelin 4-də Prezident Vaaqn Xaçaturyan Ermənistan Respublikasının Aİ-yə daxil olması prosesinin başlanması haqqında qanun imzalayıb”, - məlumatda deyilir.
Xatırladaq ki, martın 26-da Ermənistan parlamenti tərəfindən ikinci və yekun oxunuşda respublikanın Avropa İttifaqına daxil olması prosesinin başlanması haqqında qanun qəbul olunub.
Bundan əvvəl Ermənistanın Baş naziri Nikol Paşinyan qeyd edib ki, bu, İrəvanın ittifaqa qoşulması prosesinin avtomatik başlaması demək deyil, çünki bu məsələ referendum tələb edir.
