BAKI, 4 aprel. TELEQRAF
ABŞ Prezidenti Donald Trampın administrasiyası əgər Rusiya danışıqlarda irəliləyiş göstərməzsə, Ukrayna ilə bağlı yanaşmasını dəyişəcək.
Teleqraf xəbər verir ki, bu barədə ABŞ Dövlət katibi Marko Rubio bildirib.
"Prezident Trampı sonsuza qədər danışıqlara cəlb etmək mümkün deyil. Əgər Rusiya münaqişəni bitirmək istəyirsə, bu, yaxşı olar və biz sülhə doğru irəliləyə bilərik. Əgər yox, onda yanaşmamızı yenidən gözdən keçirməli olacağıq. Lakin Ukraynada sülhün əldə olunması barədə mövqeyimiz dəyişməyəcək. Əgər sülh realdırsa, biz bunu tezliklə anlayacağıq. Mən hələ də Rusiya tərəfindən ciddi niyyətlər gözləyirəm və ümid edirəm ki, bu belə olacaq",- o qeyd edib.
