BAKI, 7 avqust. TELEQRAF
Bütün Ermənilərin Katolikosuna qarşı cinayət işinin başlanması və onun məhkəməyə çağırılması hətta bolşevik hökuməti üçün də görünməmiş bir hadisədir.
Teleqraf xəbər verir ki, bu barədə arxiyepiskop Natan Ovannisyan məhkəmə iclasından sonra jurnalistlərlə açıqlamasında deyib .
Arxiyepiskop vurğulayıb ki, Səlcuq dövründən bəri Erməni Kilsəsinin lideri heç vaxt məhkəməyə verilməyib. Bu, başqaları üçün böyük bir ağrı və ayıbdır və baş verənlər vətənimizin hüdudlarından kənarda səslənən çoxsaylı tələblərlə uyğun gəlir.
O, katolikos və altı yüksək vəzifəli ruhaniyə qarşı təqiblərin nədən başladığını qısaca xatırladıb. Arxiyepiskopun sözlərinə görə, hakimiyyətin məqsədi Avstriyada Yepiskop Şurasının keçirilməsinə mane olmaq idi. Hakimiyyətin cəhdlərinə baxmayaraq, şura keçirildi və öz sözünü dedi.
“Sözün əsl mənasında bir neçə gün ərzində Saroyanın iddiası qəbul edildi və məhkəmə dərhal Arman Saroyanı lider kimi tanıyaraq aralıq qərar qəbul etdi və icra xidməti Saroyanın liderlik fəaliyyətinə və (Ermənistan Apostol Kilsəsinin) bank hesabından istifadəsinə mane olmamağı tələb etdi”, - deyə arxiyepiskop qeyd edib.
O əlavə edib ki, məhkəmə o vaxtdan bəri altı ay ərzində yekun qərar verməyib.
