BAKI. 13 iyul. TELEQRAF

3x3 basketbol üzrə Azərbaycan millisi Qadın Seriyasında Buxarest mərhələsinin final oyununa çıxıb.

Teleqraf xəbər verir ki, milli ABŞ-nin "Seattle" klubuna 21:18 hesabı ilə qalib gəlib.

Nəticədə Azərbaycan yığması Rumıniyada hamıdan güclü olaraq çempion ünvanına yiyələnib.

*** 20:33

3x3 basketbol üzrə Azərbaycan millisi Qadın Seriyasında Buxarest mərhələsinin 1/2 final oyununa çıxıb.

Teleqraf xəbər verir ki, yığma yerli "Rapid Buxarest" klubuna 21:18 hesabı ilə qalib gəlib və adını finala yazdırıb.

Qeyd edək ki, finalda rəqib "Seattle" klubu olacaq. Oyun Bakı vaxtı ilə saat 21:25-də start götürəcək.

*** 19:39

3x3 basketbolçulardan ibarət Azərbaycan millisi Qadın Seriyasında Buxarest (Rumıniya) mərhələsinin yarımfinalına yüksəlib

Teleqraf xəbər verir ki, yığma 1/4 finalda Çin millisinə 21:17 hesabı ilə qalib gəlib.

Qeyd edək ki, yarımfinalda rəqib yerli "Rapid Buxarest" klubu olacaq. Oyun Bakı vaxtı ilə saat 19:50-də start götürəcək.