BAKI, 8 fevral. TELEQRAF

NBA-nın sabiq basketbolçusu Neyt Robinson böyrək transplantasiyası əməliyyatı keçirib.

Teleqraf ESPN-ə istinadən xəbər verir ki, bir neçə saat davam edən əməliyyat ABŞ-nin Sietl şəhərindəki Vaşinqton Universitetinin Tibb Mərkəzində olub.

40 yaşlı idmançı böyrəyindəki problemləri və köçürməyə ehtiyac olduğunu təxminən 20 il əvvəl "Nyu York Niks"də oynadığı zaman öyrənib. 2021-ci ildə o, müntəzəm dializ müalicəsi almağa başlayıb. 2022-ci ilin payızında Robinson ilk dəfə açıq şəkildə böyrək çatışmazlığından müalicə aldığını, 2024-cü ilin yazında isə donora ehtiyacı olduğunu bildirib.

Qeyd edək ki, Neyt Robinson 2005 - 2015-ci illərdə NBA-da 8 fərqli komandada oynayıb. O, son olaraq, 2018-ci ildə Livanın "Homenetmen" komandasında çıxış edib.