BAKI, 7 fevral. TELEQRAF

ABŞ-ın "Los Angeles Leykers" klubunda çıxış edən məşhur basketbolçu Lebron Ceyms yeni nailiyyətə imza atıb.

Teleqraf xəbər verir ki, 40 yaşlı idmançı əvvəllər yalnız NBA-nın əfsanəsi Maykl Cordanın 40 yaşı tamam olduqdan sonra əldə etdiyi rekordu təkrarlayıb. Ceyms buna müntəzəm mövsümün "Qolden Steyt Uarriors"la matçında (120:112) 42 xal toplayaraq nail olub. Daha əvvəl Şimali Amerika liqası tarixində 40 yaşında 40 xal toplayan başqa oyunçu olmayıb.

Cordan 2003-cü ilin fevralında "Nyu Cersi" ilə oyunda 43 xal toplayıb. Maykl o vaxt "Vaşinqton Uizards" komandasının üzvü idi.

Qeyd edək ki, Lebron Ceyms "Qolden Steyn Uarriors"a qarşı matçda 17 ribaund və 8 məhsuldar ötürmə edib.