BAKI, 2 noyabr. TELEQRAF
Londonun Luton hava limanından Sofiyaya uçan “Wizz Air” aviaşirkətinə məxsus sərnişin təyyarəsi bomba təhlükəsi ilə bağlı xəbərdarlıqdan sonra Budapeştə yönləndirilib.
Teleqraf xəbər verir ki, bu barədə Macarıstanın müdafiə naziri Romuluş Ruşin-Sendi bildirib. Hadisə ilə əlaqədar ölkənin “Gripen” tipli qırıcı təyyarəsi sərnişin təyyarəsini Budapeştə qədər müşayiət edib.
Aviaşirkətin məlumatına görə, təyyarə Budapeşt Ferens List Beynəlxalq Hava Limanına təhlükəsiz eniş edib. Bundan sonra sərnişinlər və təyyarə səlahiyyətli qurumlar tərəfindən təhlükəsizlik yoxlamasından keçirilib.
“Wizz Air” hadisə ilə bağlı aidiyyəti qurumlarla əməkdaşlıq etdiyini, sərnişinlərin və ekipajın təhlükəsizliyinin prioritet olduğunu bildirib.
