BAKI, 14 sentyabr. TELEQRAF
ABŞ bu yaxınlarda "Tomahawk" qanadlı raketlərinin, "Terminal High Altitude Area Defense" (THAAD) raketdən müdafiə sistemlərinin və "Patriot" hava hücumundan müdafiə sistemlərinin istehsalını artırıb.
Teleqraf xəbər verir ki, bu barədə ABŞ Prezidenti Donald Tramp "Truth Social"da yazıb.
"Mən indicə ABŞ-ın tarixində indiyə qədər olduğundan daha çox yüksək texnologiyalı və qabaqcıl silah istehsal etdiyinə dair bir məlumat aldım. Bu silahlar hər gün Yaxın Şərqdəki və ondan kənardakı qoşunlarımıza çatdırılır", - Tramp qeyd edib.
ABŞ lideri əlavə edib ki, istehsalçıların əsas diqqəti artıq çox sayda mövcud olan "Patriot", THAAD, "Tomahawk" və "Standard" sistemlərinə yönəlib.
