BAKI, 17 avqust. TELEQRAF

ABŞ-nin İndiana ştatında güclü fırtına və daşqınlar nəticəsində azı 7 nəfər həlak olub.

Teleqraf xəbər verir ki, bu barədə “The New York Times” qəzeti məlumat yayıb.

Bildirilib ki, təbii fəlakət avqustun 11-də ştatın müxtəlif ərazilərinə ciddi ziyan vurub. Güclü yağışların səbəb olduğu daşqınlar insan tələfatına gətirib çıxarıb.

Məlumata görə, ölənlərin yaşı 4-dən 86-dək dəyişir.

Fırtına və daşqınların vurduğu ziyanın miqyası, eləcə də itkin düşənlərin olub-olmaması ilə bağlı əlavə məlumat verilməyib.

Hadisənin nəticələrinin aradan qaldırılması istiqamətində işlər davam etdirilir.