BAKI, 20 fevral. TELEQRAF
Ermənistana səfər edən azərbaycanlılar Rusiya Federasiyası vətəndaşlarıdır. Onlar əvvəllər də - 2013 və 2014-cü illərdə - Ermənistana səfər ediblər.
Teleqraf xəbər verir ki, bu barədə "Armenpress"in sorğusuna cavab olaraq Ermənistan Milli Təhlükəsizlik Nazirliyi məlumat verib.
MTN həmçinin bildirib ki, onlar Ermənistana "Baqrataşen" dövlət sərhəd keçid məntəqəsindən daxil olublar və ölkəni tərk ediblər. Onların səfəri şəxsi xarakter daşıyıb.
Qeyd edək ki, bugünlərdə sosial şəbəkələrdə azərbaycanlıların Ermənistanda olmasını əks etdirən video-görüntülər paylaşılıb. Görüntülər Ermənistanda birmənalı qarşılanmayıb.
