Cənubi Koreya prezidenti Yun Sok Yolun ölkədə hərbi vəziyyət tətbiq etmək qərarı Amerika lideri Co Baydenin administrasiyasını təəccübləndirib.
Teleqraf.com xəbər verir ki, bu barədə CNN ABŞ-ın yüksək vəzifəli rəsmilərinə istinadən məlumat yayıb.
"Bayden administrasiyasında olanların bir çoxu üçün Cənubi Koreyadakı hadisələr gözlənilməz olub" - nəşr qeyd edib.
Mənbənin məlumatına görə, Cənubi Koreyada siyasi vəziyyətin pisləşməsi ABŞ prezident administrasiyasının rəsmiləri arasında ciddi narahatlıq yaradıb.
