BAKI, 4 sentyabr. TELEQRAF
İngiltərənin Liverpul şəhərində keçirilən dünya çempionatında Azərbaycan boksçusu Zaur Qəhrəmanov (65 kq) qələbə ilə başlayıb.

Teleqraf xəbər verir ki, o, 1/32 finalda almaniyalı Denis Brillə qarşılaşıb.

Hər 3 raundu xeyrinə bitirən Azərbaycan təmsilçisi yekunda 4:1 (27:30, 29:28, 29:28, 29:28, 30:27) hesabı ilə qələbə qazanıb.

Qəhrəmanov 1/16 finalda ilk mərhələdən azad olan Falkao Dos Reyslə (Braziliya) döyüşəcək.

Qeyd edək ki, görüş sentyabrın 7-də olacaq.