BAKI, 9 avqust. TELEQRAF

Ermənistanın ABŞ-dəki səfiri Lilit Makunts avqustun 8-də Azərbaycan Prezidenti İlham Əliyev, Ermənistan Baş naziri Nikol Paşinyan və ABŞ Prezidenti Donald Trampın iştirakı ilə Vaşinqtonda keçirilən üçtərəfli görüş barədə fikirlərini bildirib.

Teleqraf xəbər verir ki, bu barədə X-də yazan diplomat görüşün nəticələrini tarixi kimi qiymətləndirib.

“Davamlı sülhə gedən yolda tarixi gün. Cənubi Qafqazda sülh, əməkdaşlıq və sabitliyin yeni səhifəsi. Sülhə layiq olan regionumuz üçün bayram günüdür”, - Makunts qeyd edib.