BAKI, 1 aprel. TELEQRAF

Rusiya Prezidenti Vladimir Putin sülh danışıqları ilə bağlı vaxt udmağa, Ukraynada məhvetmə strategiyasını davam etdirməyə çalışır.

Teleqraf xəbər verir ki, bunu Almaniya xarici işlər naziri Annalena Berbok deyib.

Nazir Ukraynanın sülhü qəbul etməyə hazır olduğunu qeyd edib. Bunu etməyən yeganə şəxs, Berbok əmindir ki, məhvetmə strategiyasına sadiq qalan Rusiya lideri Vladimir Putindir.

“Təəssüf ki, bununla bağlı heç nə dəyişməyib. Həmçinin bütün bu danışıqlar zamanı nəzərə almaq lazımdır ki, Putin dalana dirənir və buradan çıxmağa çalışır, buna görə də müharibəni qızışdırır. Putinə etibar etmək olmaz”, - alman nazir bildirib.

Almaniya xarici işlər nazirinin fikrincə, əsl sülh yalnız o zaman mümkün olacaq ki, Putin bu müharibədə qalib gələ bilməyəcəyini və məhvetmə cəhdlərinin uğurlu olmadığını görəcək.