BAKI, 28 fevral. TELEQRAF
ABŞ Prezidenti Donald Tramp Böyük Britaniya Baş naziri Kir Starmerlə görüşündə Ukraynaya qarşı daha mehriban və yumşaq mövqe nümayiş etdirib. Amma o, Kiyevə Avropa dövlətlərinin ondan istədiyi təhlükəsizlik zəmanətini vəd etməyib.
Teleqraf xəbər verir ki, bu barədə “The Wall Street Journal” (WSJ) yazır.
Starmer Ağ Evdə ABŞ-ni Ukraynadakı sülhməramlı missiyaya cəlb etməyə çalışıb. Amma Tramp dəfələrlə bəyan edib ki, o, bu cür variantları yalnız Moskva ilə Kiyev arasında atəşkəs razılaşması əldə edildikdən sonra nəzərdən keçirəcək.
Həmçinin Tramp Ukrayna ilə bağlı ən sərt tənqidlərindən bəzilərini yumşaldaraq, ötən həftə Ukrayna Prezidenti Volodimir Zelenskini “diktator” adlandırmasını xatırlamadığını deyib və Kiyevə Rusiyadan zəbt etdiyi ərazilərin böyük hissəsini geri qaytarmağa kömək edəcəyinə söz verib.
Həmçinin Starmer Ukraynada müharibənin dayandırılması ilə bağlı fikir ayrılığına görə Vaşinqton və Avropa paytaxtları arasında yaranan tünd əhval-ruhiyyəni yaxşılaşdıra bilib.
Nəşr xatırladır ki, Zelenski ABŞ-nin ölkəsini müdafiə etməkdə marağını qorumağa çalışaraq, Amerika şirkətlərinə Ukraynanın nadir torpaq materiallarına çıxış imkanı verən sazişi imzalamağa razılaşıb.
Bununla belə, yüksək rütbəli ABŞ rəsmisi nəşrə bildirib ki, Ukrayna ilə razılaşma gələcək döyüşlərin maliyyələşdirilməsinə dair konkret vədləri ehtiva etmir və Amerika hərbi personalının regiona yerləşdirilməsinə dair öhdəlik daşımır.
Starmer hesab edir ki, Trampın qərarı bu məsələdə həlledicidir. Rəsmilərdən biri etiraf edib ki, Avropa və Ukraynanın müdafiəsi qismən ABŞ və onun yaratdığı maneələri dəstəkləmək istəyindən asılı olacaq.
