BAKI, 9 may. TELEQRAF

“Nasizmin məğlub edilməsinə həlledici töhfə verən, həm öz ölkəsini, həm də bütün dünyanı xilas edən sovet xalqı olub, Rusiya bu qəhrəmanlığı həmişə xatırlayacaq”.

Teleqraf xəbər verir ki, bunu Rusiya Prezidenti Vladimir Putin İkinci Dünya müharibəsində qələbənin 81-ci ildönümü münasibətilə Moskvada keçirilən paradda deyib.

“Sovet xalqının qəhrəmanlığını, nasizmin məğlub edilməsinə, ölkələrinin, dünyanın xilas edilməsinə və amansız şərə son qoyulmasına verdiyi qətiyyətli töhfələri həmişə xatırlayacağıq. Onlar nasist Almaniyasına təslim olan və onun cinayətlərinin amansız əlaltılarına çevrilən dövlətlərin suverenliyini bərpa etdilər”, - Putin bildirib.