Fransanın tanınmış rejissoru Alen Rene 91 yaşında vəfat edib.
Teleqraf.com xarici mətbuata istinadən xəbər verir ki, Rene son günlər xəstəxana çarpayısında da növbəti film layihəsi üzərində işləyirmiş.
O, Fransa kinosunda müharibədən sonrakı dövrün parlaq nümayəndələrindən sayılır.
"Keçən il Marienbadda" filminə görə o, 1961-ci ildə Venesiya Festivalının “Qızıl şir” mükafatına layiq görülüb. Reallıq və xəyal arasında sərhədin itdiyi bu filmdə qəsrdəki məclisdə gözəl bir xanıma yaxınlaşan bir kişi onunla bir il qabaq Marienbadda tanış olduğunu deyir, qadın isə belə bir tanışlığı xatırlamadığını söyləyir…
Daha sonra baş verənlər süjeti daha da dolaşdırır.
Nüvə partlayışından sonrakı dövrdə Xirosimada tanış olan fransız aktrisa və yapon memarın uğursuz sevgisindən bəhs edən “Xirosima – sevgim mənim” filmi iləsə Rene BAFTA, Sezar mükafatlarını qazanıb.
Prezident Francois Hollande deyib ki, Fransa “özünün ən böyük rejissorlarından birini itirib”.
Rüstəm
