BAKI, 16 aprel. TELEQRAF

Brüsselə etibar edib 2022-ci ildə Rusiyaya qarşı sanksiyalar tətbiq etsəydik, Gürcüstan müharibədən sağ çıxsa da, iqtisadiyyatı çökərdi.

Teleqraf xəbər verir ki, bu barədə Gürcüstan Parlamentinin spikeri Şalva Papuaşvili jurnalistlərə bildirib.

“Əgər Brüsselə etibar etsəydik, bu gün iqtisadi cəhətdən məhv olardıq”, - Papuaşvili deyib.

25 fevral 2022-ci ildə Gürcüstanın o vaxtkı Baş naziri İrakli Qaribaşvili milli maraqları əsas gətirərək Rusiyaya qarşı sanksiyalardan imtina edib. Həmin ilin martında Volodimir Zelenski Gürcüstan hökumətinin sanksiyalarla bağlı mövqeyinə görə səfirini Tiflisdən geri çağırıb.