BAKI, 25 sentyabr. TELEQRAF

Ağ Evdə keçirilən görüş zamanı ABŞ Prezidenti Donald Tramp Çin Sədri Si Cinpinə vaxtilə birlikdə çəkilmiş fotosunu göstərərək “Bu kimdir?” deyə soruşub.

Teleqraf xəbər verir ki, bu barədə “Focus” məlumat yayıb.

“Bu kimdir? Mən onu tanımıram”, - ABŞ prezidenti Çin lideri ilə birlikdə çəkilmiş fotoya baxaraq deyib.

Ardınca Ağ Ev rəhbəri əlavə edib:

“Bu, möhtəşəmdir. Bizim sizə böyük hörmətimiz var. Bu fotonu burada asmışıq. Artıq bir ildir burada asılıb. Bu, böyük hörmət əlamətidir”.

ABŞ Prezidenti həmçinin sələfi Co Bayden haqqında zarafat edərək Çin Sədrini güldürüb. Tramp Cinpinə ABŞ-nin bütün dövlət başçılarının portretlərinin yerləşdirildiyi “Prezidentlərin şöhrət xiyabanı”nı göstərib. Baydenin portretinin yerində isə onun imzasının olduğu qələm təsvir edilib.

Donald Tramp fotonu Si Cinpinə göstərərək deyib: “Bu, Baydendir”.

Xatırladaq ki, ABŞ və Çin dövlət başçıları arasında görüş sentyabrın 24-də Ağ Evdə baş tutub.

Medial
Medial