BAKI, 25 sentyabr. TELEQRAF

ABŞ-nin Kaliforniya ştatında yüngül mühərrikli təyyarənin qəzaya uğraması nəticəsində azı iki nəfər həlak olub.

Teleqraf xəbər verir ki, bu barədə “Los Angeles Times” qəzeti məlumat yayıb.

Hadisə sentyabrın 24-də Kaliforniyanın Hesperiya şəhəri yaxınlığında baş verib.

Məlumata görə, qəzaya uğrayan “Aeronca Champion” təkmühərrikli təyyarəsində iki nəfər olub. Hüquq-mühafizə orqanlarının əməkdaşları hadisə yerinə çatarkən onların hər ikisinin öldüyü müəyyən edilib.

Həlak olan şəxslərin kimliyi müəyyənləşdirilir.

Qəzanın səbəbləri ABŞ Federal Aviasiya Administrasiyası və Milli Nəqliyyat Təhlükəsizliyi Şurası tərəfindən araşdırılır.