BAKI, 3 avqust. TELEQRAF
“Bütün təcrübələrimdən faydalanaraq, Bəşər Əsədi öz rejimi daxilindən devirmək üçün işləri təşkil etməyə başladım”.
Teleqraf xəbər verir ki, bunu Suriya Prezidenti Əhməd Şaraa “Al Jazeera”yə müsahibəsində deyib.
O bildirib ki, bu proses zamanı xaricdən dəstək almayıblar.
Suriya lideri keçmiş rejimin aradan qaldırılmasının zəruri olduğunu vurğulayıb:
“Keçmiş rejimin aradan qaldırılması təkcə Suriya üçün deyil, bütün region üçün vacib idi. Devrilmiş rejimə qarşı mübarizədə hərbi istiqamətə fokuslanmaqla yanaşı, yenidən təşkilatlanma prosesinə hazırlıq işlərini də həyata keçirdik”.
.png)
