BAKI, 10 yanvar. TELEQRAF
İranın paytaxtında və digər şəhərlərdə etirazçılar tərəfindən ən azı 50 yanğınsöndürən maşın zədələnib.
Teleqraf xəbər verir ki, bunu Tehran Vilayət Yanğından Mühafizə Xidmətinin rəisi Qüdrətullah Məhəmmədi deyib.
Onun sözlərinə görə, cümə axşamı gecəsi iğtişaşçılar 43 nəqliyyat vasitəsinə zərər vurublar, onlardan səkkizi zədə səbəbindən sıradan çıxıb və ikinci gecəyə qədər zədələnmiş nəqliyyat vasitələrinin sayı 50-yə çatıb.
Məhəmmədinin sözlərinə görə, etirazçılar təkcə nəqliyyat vasitələrini yandırmayıblar, həm də yanğınsöndürənlərin işinə mane olublar.
