BAKI, 23 iyun. TELEQRAF

İranın Ali Rəhbəri Ayətullah Əli Xamenei İsrailə qarşı "cəzanın davam edəcəyini" vəd edib.

Teleqraf xəbər verir ki, bu barədə o, İsrailin İrana qarşı hücumlarına ABŞ-nin də qoşulmasından sonra sosial mediada paylaşdığı ilk bəyanatında yazıb.

"Sionist düşmən böyük bir səhv edib, böyük bir cinayət törədib; o cəzalandırılmalıdır və cəzalandırılır; o, məhz indi cəzalandırılır", - Xamenei “X” sosial şəbəkəsində yazıb.

Paylaşım həmçinin yanan binaların fonunda Davud ulduzunu daşıyan yanan kəllə təsviri ilə müşayiət olunub.