BAKI, 7 iyul. TELEQRAF

Təhsilin İnkişafı Fondunun əsas fəaliyyət istiqamətlərindən biri olan “Təhsil müəssisələrinin infrastrukturunun və maddi-texniki təminatının təkmilləşdirilməsi” sahəsində Fond və “Silkway Vest aviaşirkəti” MMC arasında ianə müqaviləsi imzalanıb.

Teleqraf xəbər verir ki, bu barədə Elm və Təhsil Nazirliyinin hesabatında yer alıb.

Bildirilib ki, əməkdaşlıq çərçivəsində ölkəmizin müxtəlif şəhər və rayonlarında ümumi təhsil müəssisələrinin tikintisinin həyata keçirilməsinin dəstəklənməsi nəzərdə tutulub.

Qeyd edilib ki, hazırda 7 məktəbdə tikinti və əsaslı təmir işləri aparılır. Bunlardan 5 -i Abşeron, 1-i Kürdəmir, 1-i isə Qubadlı rayonunda yerləşir.