BAKI, 15 iyun. TELEQRAF

Fövqəladə Hallar Nazirliyinin "112" qaynar xəttinə Tovuz rayonu, Düz Cırdaxan kəndi ərazisində bir nəfərin suvarma kanalında batması barədə məlumat daxil olub.

Bu barədə Teleqraf-a Fövqəladə Hallar Nazirliyinin Mətbuat xidmətindən məlumat verilib.

Məlumatla əlaqədar dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları çağırış üzrə cəlb olunub.

Dalğıclar tərəfindən 1987-ci il təvəllüdlü Dəmirov Sərxan Qüdrət oğlunun meyiti suda tapılıb çıxarılaraq aidiyyəti üzrə təhvil verilib.

Hadisə ilə əlaqədar müvafiq qurumlar tərəfindən araşdırma aparılır.

***

16:39

TOVUZ, 15 iyun. TELEQRAF

Tovuz rayonunda su kanalında meyit tapılıb.

Teleqraf-ın Qərb bürosu xəbər verir ki, Düz Cırdaxan ərazisindən keçən su kanalından 1987- ci il təvəllüdlü Sərxan Dəmirovun meyiti aşkar edilib.

Adıçəkilən şəxsin meyiti müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Tovuz rayon Bölməsinə aparılıb.

Faktla bağlı Tovuz rayon Prokurorluğunda araşdırma başlanılıb.

Medial
Medial