BAKI, 11 iyun. TELEQRAF
Fövqəladə Hallar Nazirliyinin "112" qaynar xəttinə Göygöl rayonu, Bəhranbağ qəsəbəsi ərazisində azyaşlıların süni göldə batması barədə məlumat daxil olub.
Bu barədə Teleqraf-a Fövqəladə Hallar Nazirliyinin Mətbuat xidmətindən məlumat verilib.
Məlumatla əlaqədar dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları çağırış üzrə cəlb olunub.
Dalğıclar tərəfindən 2017-ci il təvəllüdlü Həsənov Ramil Rövşən oğlunun meyiti suda tapılıb çıxarılaraq aidiyyəti üzrə təhvil verilib.
Göldə batan digər azyaşlı, 2016-cı il təvəllüdlü Nəsibov Yusif Sərxan oğlunun da meyiti tapılıb.
Hadisə ilə əlaqədar müvafiq qurumlar tərəfindən araşdırma aparılır.
***
16:54
GÖYGÖL,11 iyun. TELEQRAF
Göygöl rayonunda iki uşaq suda boğularaq ölüb.
Teleqraf-ın Qərb bürosu xəbər verir ki, hadisə rayounun Bəhrambağ kəndində suni göldə qeydə alınıb.
2017-ci il təvəllüdlü R.Həsənov və onun 2016-cı il təvəllüdlü qohumu Y.Nəsibov suni göldə boğularaq ölüblər. Y.Nəsibovun meyiti sudan çıxarılsa da, o biri uşağın nəşinin tapılması istiqamətində iş aparılır.
R.Həsənov baba evinə qonaq gəlibmiş.
Faktla bağlı araşdırma başlanılıb.
.png)