AĞDAM, 9 iyun. TELEQRAF

Polis Bərdə sakininə qoşulub qaçan yetkinlik yaşına çatmayan qızın yerini müəyyən edərək ailəsinə qaytarıb.

Teleqraf-ın Qarabağ bürosunun xəbərinə görə, Ağdam rayon sakini iyunun 9-da polisə müraciət edərək yetkinlik yaşına çatmayan qız övladının itkin düşməsi barədə məlumat verib.

Daxili İşlər Nazirliyinin Mətbuat Xidmətinin Regional Qrupundan bildirilib ki, onun yeri Bərdə rayonunda müəyyən edilib. O, polis orqanına gətirilərək ailəsinə təhvil verilib.

Araşdırmalar aparılır.

***

21:25

Ağdamda 10-cu sinif şagirdi Bərdə sakininə qoşulub qaçıb.

Teleqraf-ın Qarabağ bürosunun xəbərinə görə, hadisə rayonun Əhmədağalı kəndində baş verib.

Müşviq Hüseynov adına Əhmədağalı kənd tam orta məktəbin şagirdi L.Muradlı Səxavət qızı tanıdığı Bərdə rayon sakininə qoşularaq qaçıb.

Qeyd olunur ki, L.Muradlı hadisədən cəmi 3 gün əvvəl 15 yaşını tamamlayaraq 16 yaşa qədəm qoyub.

Hazırda faktla bağlı polis əməkdaşları tərəfindən araşdırma aparılır.