İMİŞLİ, 8 iyun. TELEQRAF

Araz çayının İmişli rayonundan keçən hissəsində batan 11-ci sinif şagirdinin axtarışları davam etdirilir.

Teleqraf-ın xəbərinə görə, 11-ci sinifdə oxuyan Turan Mirişlinin tapılması məqsədilə hadisə yerinə Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri və katerləri cəlb edilib.

Hazırda ərazidə axtarış-xilasetmə tədbirləri davam etdirilir.

Hadisənin təfərrüatları araşdırılır.

****

2026.06.07

23:58

İmişlidə 11-ci sinif şagirdi Araz çayında boğulub.

Teleqraf-ın xəbərinə görə, hadisə axşam saatlarında Araz çayının Rəsullu və Məhəmmədli kəndləri ərazisindən keçən hissəsində qeydə alınıb.

İlkin məlumata görə, 11-ci sinif şagirdi T. Mirişov naməlum səbəbdən çaya düşərək boğulub. Hadisədən sonra əraziyə aidiyyəti qurumların əməkdaşları cəlb olunub.

Hazırda gəncin meyitinin tapılması istiqamətində axtarış-xilasetmə tədbirləri davam etdirilir.

Faktla bağlı araşdırma aparılır.