BAKI, 27 may. TELEQRAF

Ağdaşda bir ailənin üzvləri qəzaya düşüb.

Teleqraf-ın Mərkəzi Aran bürosu xəbər verir ki, hadisə Qumlaq kəndi yaxınlığında baş verib.

İki maşının toqquşması zamanı bir ailənin 3 üzvü xəsarət alıb.

Müxtəlif bədən xəsarətləri alan 1962-ci il təvəllüdlü Yeganə Eminova, həyat yoldaşı 1951-ci il təvəllüdlü Müğdət Eminov və oğulları 1987-ci il təvəllüdlü Anar Eminov xəstəxanaya çatdırılıb.

Faktla bağlı araşdırma aparılır.