BAKI, 4 sentyabr. TELEQRAF

İndiyədək neft və təbii qaz yataqlarında həyata keçirilən layihələr bizim ümumi baxışımızın dəqiq və nəticəyönümlü olduğunu nümayiş etdirir.

Teleqaf xəbər verir ki, bu barədə Türkiyənin energetika və təbii sərvətlər naziri Alparslan Bayraktar Azərbaycan-Türkiyə IV Enerji Forumu çərçivəsində iki ölkənin enerji potensialından danışarkən bildirib.

"“Azəri-Çıraq-Günəşli” və “Şahdəniz” yataqları ilə başlayan əməkdaşlığımız bu il imzaladığımız “Şəfəq-Asiman” yatağı müqaviləsi ilə yeni miqyas aldı".

O, təbii qaz yatağı üzrə 2024-cü il mayın 14-də imzalanmış əməkdaşlıq sazişinin xüsusi əhəmiyyət kəsb etdiyini və bu sazişin ölkələrin enerji təhlükəsizliyini gücləndirəcəyini və regional əməkdaşlığı daha da möhkəmləndirəcəyini bildirib:

"Azərbaycandan Türkiyəyə təbii qaz tədarükünün artırılması istiqamətində səylərin sürətlə irəliləyəcəyinə ümid edirik. İğdır-Naxçıvan Təbii Qaz Boru Kəmərinin Naxçıvanın tədarük təhlükəsizliyinə zəmanət verəcək.

Nazir 2 avqust 2025-ci ildə fəaliyyətə başlayan Türkiyə-Suriya Təbii Qaz Boru Kəmərinin təkcə enerji axınını deyil, həm də bölgədə sülh və rifahı dəstəkləyən strateji addım olduğunu bildirib.

O əlavə edib ki, Türkiyə və Azərbaycan həm regional təchizat təhlükəsizliyində, həm də qlobal bazarlarda etibarlı tərəfdaşlar olmağa davam edəcək.

Ankaranın Türkiyə ilə Naxçıvanı birləşdirəcək elektrik xətti layihəsinə xüsusi önəm verdiyini bildirən Bayraktar bildirib ki, layihənin başa çatması ilə Muxtar Respublikanın təchizat təhlükəsizliyi təmin ediləcək,ölkələr arasında elektrik enerjisi ticarəti yeni mərhələyə keçəcək.

"Türkiyə, Azərbaycan, Gürcüstan və Bolqarıstan arasında davam edən Yaşıl Elektrik Enerjisinin Ötürülməsi və Ticarət Layihəsi güclü əməkdaşlığın simvoludur. “TANAP-da olduğu kimi, Avrasiya ilə Avropanı Türkiyə üzərindən birləşdirəcək bu layihə də təkrar emaldan əldə edilən elektrik enerjisinin ticarəti və ötürülməsi yolu ilə təkcə ölkələrimizə deyil, bütün regiona və Avropaya əhəmiyyətli töhfə verəcək”.