BAKI, 3 aprel. TELEQRAF

2025-ci ilin yanvar-mart aylarında "Bakı Fond Birjası" QSC-də bütün maliyyə alətləri üzrə bağlanmış əqdlərin ümumi dəyəri 17 milyard 839 milyon 886,10 min manat təşkil edib.

Teleqraf BFB-yə istinadən xəbər verir ki, bu, ötən ilin eyni dövrü ilə müqayisədə 2,3 dəfə çoxdur.

Son 1 ildə bağlanmış əqdlərin sayı isə 4318 ədəd artaraq 7450 olub.

Korporativ Qiymətli Kağızlar üzrə əqdlərin dəyəri 4,8 milyon manat aratarq 473 milyon 264,4 min manat olub.

BFB-nin dövriyyəsinin artımı repo əməliyyatlarının hesabına olub. Belə ki, dövriyyənin 93,6%-i və yaxud 16 milyard 711 milyon 194,29 min manatı repo əməliyyatlarının payına düşüb. Bu, illik müqayisədə 3,4 dəfə çoxdur.