BAKI, 4 aprel. TELEQRAF

ABŞ Prezidenti Donald Tramp bildirib ki, İran rəhbərliyi daha Vaşinqtonla dialoqu vasitəçilərin köməyi ilə deyil, birbaşa danışıqlar yolu ilə aparmaq istəyir.

D.Tramp jurnalistlərə deyib: "Məncə, birbaşa danışıqlar aparsaq, daha yaxşıdır. Düşünürəm ki, bu, daha sürətli olar və bir-birimizi vasitəçilərsiz daha yaxşı başa düşərik. Onlar (İran tərəfi - red.) vasitəçilərdən istifadə etmək istəyirdilər. Fikrimcə, indi bu, tam belə deyilr. Düşünürəm ki, onlar narahatdırlar, özlərini zəif hiss edirlər. Mənsə onların özlərini belə hiss etmələrini istəmirəm. Məncə, onlar görüşmək istəyirlər".

ABŞ Prezidenti İran rəsmilərindən yeni mesaj alıb-almadığını söyləməyib. O bildirib: "Məktubları unudun. Məncə, onlar birbaşa danışmaq istəyirlər".