BAKI, 3 aprel. TELEQRAF

Bankların qeyri-işlək kreditlərinin həcmi artıb.

Azərbaycan Mərkəzi Bankından Teleqraf-a verilən xəbərə görə, bu il martin 1-nə belə kreditlərin həcmi 1 ay əvvələ nisbətən 8 milyon manat artaraq 698,6 milyon manat olub.

İstehlak kreditlərində 14,9 milyon manat artaraq 282,1 milyon manata çatıb.

İpoteka kreditlərində isə rəqəm dəyişməyib – 34 milyon manat.

Biznes kreditlərində isə 6,9 milyon manat azalaraq 382,5 milyon manat olub.

Qeyri-işlək portfelin cəmi portfeldə payı isə dəyişməyərək 2.5 faiz olub

Qeyri-işlək Kredit - faizinin hesablanması dayandırılmış, yaxud əsas məbləğinin və ya faizinin ödənişi müqavilədə nəzərdə tutulmuş müddətlərdən 90 gün və ya daha çox gecikdirilmiş, faizi kapitallaşdırılmış və ya yeni kredit kimi rəsmiləşdirilmiş, yaxud faizinin ödəniş müddəti uzadılmış kreditlər, habelə faizinin ödəniş müddəti 90 gün və ya daha çox gecikdirilmiş overdraflardır.