BAKI, 3 aprel. TELEQRAF

ABŞ Prezidenti Donald Trampın ötən gün gözlənəndən daha sərt idxal tarifləri tətbiq etməsindən sonra qızılın qiyməti rekord həddə yüksəlib.

Teleqraf birja məlumatlarına istinadən xəbər verir ki, Nyu-Yorkun COMEX əmtəə birjasında qızılın bir troya unsiyası üzrə iyun fyuçerslərinin dəyəri 3,154.80 ABŞ dollarına bərabər olub.

COMEX-də gümüşün bir unsiyası üzrə may fyuçerslərinin qiyməti isə 33.585 ABŞ dolları təşkil edib.

Qeyd edək ki, ötən gün Tramp bütün ABŞ idxalına 10%-lik əsas tarif və Birləşmiş Ştatların ən böyük ticarət tərəfdaşları da daxil olmaqla onlarla ölkəyə qarşı daha yüksək rüsumlar tətbiq etdiyini elan etdi.